Казан федераль университеты ректоры Илшат Гафуров 30 ноябрь көнне Актанышка килә
Татарстан Республикасы Президенты Рөстәм Миңнеханов Казан федераль университетының (КФУ) 215 еллыгы уңаеннан Казан федераль университетына «Татарстан Республикасы алдындагы казанышлары өчен» орденын тапшырды.
Илшат Гафуров - Казан федераль университеты ректоры, Россия галиме, педагог, дәүләт эшлеклесе, икътисад фәннәре докторы, физика-математика фәннәре кандидаты, профессор иртәгә – 30 ноябрь көнне Актанышта эшлекле сәфәрдә була. Сәфәр кысаларында мәгариф өлкәсендә хезмәттәшлеккә кул кую, Актаныш гимназиясендә Әлфия Авзалова исемендәге музейны ачу, “КФУ фәнни десанты” акциясе кысаларында фәнни-популяр лекцияләр уку, мастер-класслар үткәрү, “Мәгариф өлкәсендә лидерлык” укыту программасына старт бирү, “Бүләк” укыту үзәге эшчәнлеге белән танышу планлаштырыла.
Фото ТР Президенты Матбугат хезмәтеннән алынды.