15 ноябрь көнне Актанышта район мәдәният йортында вәгазь кичәсе һәм дини очрашу үткәрелә

2019 елның 29 октябре, сишәмбе

28 октябрь көнне  ахшам намазыннан соң рабигыль-әүвәл ае керде. Бу ай Мөхәммәд Пәйгамбәр с.г.в. туган ай буларак   истәлекле. Рәсүлебезнең туган көне яки мәүлиде Рабигыль-әүвәл аеның 12-нче көне, ягъни 8 ноябрь киченә туры килә.

Мөбарәк Мәүлид кичендә һәм ай дәвамында Пәйгамбәребез с.г.в. га салаватлар әйтү, ул яшәгән заманнар, күргән хәлләр, могҗизалар турында китаплар уку, вәгазьләр уку, сәдака бирү бик саваплы.

Шул уңайдан,  15 ноябрь көнне Актанышта  район мәдәният йортында вәгазь кичәсе һәм дини очрашу үткәрелә. Дини җырлар иҗат итүче Ильяс Халиков  һәм ул җитәкләгән "Мөнбәр" татар-дини театры  “Мәдрәсә - белем чишмәсе” исемле яңа программасын актанышлыларга тәкъдим итә. Рәхим итегез!