Россиядә сөт җитештерү күләме артты: Татарстан сизелерлек үсеш тәэмин иткән төбәкләр арасында
Россия авыл хуҗалыгы министрлыгының оператив мәгълүматлары буенча, 14 октябрьгә авыл хуҗалыгы оешмалары тарафыннан тәүлеклек сөт сату күләме 44,4 мең тонна тәшкил иткән, бу узган елның шушы чорына караганда 7,8% ка артык (2018 елда - 41,2 мең тонна).
Татарстан Республикасында, Краснодар краенда, Воронеж, Киров, Свердлау, Ленинград, Белгород, Новосибирск, Мәскәү, Түбән Новгород һәм Вологда өлкәләрендә, Удмуртия һәм Башкортостан республикаларында, шулай ук Алтай өлкәсендә тәүлеклек сөт сатуның максималь күләменә ирешкәннәр.
Әйтергә кирәк, сөтчелек Татарстанның агросәнәгать комплексында өстенлекле юнәлешләрнең берсе булып тора һәм ТР Авыл хуҗалыгы һәм азык-төлек министрлыгының республикада сөт җитештерүгә һәм сатуга ярдәм буенча комплекслы чаралар уздыруы бәрабәренә, уңай нәтиҗәләр күзәтелә.