"Мобиль поликлиника" Пучы авылында халыкны кабул итә башлады

2019 елның 23 сентябре, дүшәмбе

20 сентябрьдә,  «Сәламәтлек саклау» федераль проектын тормышка ашыру кысаларында,  Яр Чаллы шәһәренең Ашыгыч медицина ярдәме хастаханәсе(БСМП) «Мобиль поликлиника»сы Актаныш районының Пучы авылында халыкны кабул итә, күчмә карау  уздыра башлады.

Тар профильле белгечләр: табиб-кардиологлар, невролог, кан тамырлары хирургы һәм уролог 132 кешегә карау һәм консультация үткәрделәр. 23-24 сентябрьдә мобиль комплекс үз эшен Пучы авылында дәвам итәчәк, якын-тирә авылларда яшәүчеләргә дә, график нигезендә, консультацияләр биреләчәк. 25 сентябрьдән 3 октябрьгә кадәр мобиль комплекс Актанышта үз эшен җәелдерәчәк.