“Авыл яшьләре” спорт уеннарыннан фотомизгелләр

2019 елның 13 сентябре, җомга

Бүген Актанышта узган Татарстан Республикасы “Авыл яшьләре”нең  XI җәйге авыл спорт уеннарын ТР Авыл хуҗалыгы һәм азык-төлек министры Марат Әхмәтов белән Актаныш районы башлыгы Энгель Фәттахов карады. Сабантуй мәйданында савымчылар һәм механизаторлар һөнәрмәнлектә көч сынашты. “Батыр” спорт комплексында волейбол, бадминтон, “Иман” спорт комплексында теннис ярышлары барды. Җиңү паркы каршында мас-рестлинг, гуманитар-гимназия интернатта көрәш ярышы булды. Марат Әхмәтов белән Энгель Фәттахов сәләтле балалар өчен гуманитар гимназия-интернат бинасын карадылар, укучылар белән очраштылар.

Ләйсән Газизова фотолары.