Бурсыкларны аулауга рөхсәтне күпфункцияле үзәктә алырга була
5 августтан республиканың күп функцияле үзәкләре һәркем керә торган аучылык җир-суларында бурсыкларны аулауга рөхсәтнамә бирә башлады. Бу хезмәт бердәм федераль үрнәктәге аучылык билеты булган һәркем өчен ачык. Бурсыкка ау чоры 15 августтан башлап 31 октябрьгә кадәр дәвам итәчәк.
Татарстан Республикасы Президенты Фәрманы белән бурсыкны аулау лимиты билгеләнде: 24 баш баш. Һәркемгә керергә мөмкин булган 11 аучылык җир-суларында ауларга мөмкин, һәр аучылык үз лимитын билгели.
Гариза бирү өчен үзең белән паспорт, аучылык билеты һәм ИНН булуы кирәк. Шулай ук аучыга 650 сум күләмендә дәүләт пошлинасы һәм һәр баш хайван өчен 60 сум акча түләргә кирәк. Хезмәтне гади язма формада рәсмиләштерелгән ышаныч кәгазе буенча да алырга мөмкин.
Хезмәт күрсәтүгә гаризалар республиканың барлык күпфункцияле үзәкләрендә кабул ителәчәк.