Янгынны сүндерүдә авыл халкы, МЧС хезмәткәрләре бердәм эшләде

2019 елның 30 апреле, сишәмбе

Чөгәнә башлангыч мәктәбендә бүген төнлә янгын булды. Янгынны сүндерү һәм янгыннан соңгы хәрәбәләрне чистарту буенча авыл халкы, МЧС хезмәткәрләре бердәм эшләде.

Район, республика җитәкчелеге мәктәптә укыган 9 баланың язмышын хәл итү буенча кичектергесез чаралар күрде. Балаларның укулары бер көнгә дә өзелмәде. Актаныш район башлыгы Энгель Нәвап улы Фәттахов укучы балаларның ата-аналары белән очрашып сөйләште. Балалар укуларын Актанышның 1 нче мәктәбендә дәвам итәчәк. Яңа уку елына, республика ярдәме белән, яңа башлангыч мәктәп төзелеп сафка басачак.