Актаныш районы башлыгы Энгель Фәттахов эшмәкәрләр белән очрашты

2019 елның 29 апреле, дүшәмбе

Актанышта Энгель Фәттахов җитәкчелегендә эшләүче  эшмәкәрләр Советы һәр айны эшмәкәрләр белән очрашып, районда эшмәкәрлек үсеше,  яңалыклар, дәүләт ярдәмнәре, актуаль мәсьәләләрнең чишелеше буенча фикер алыша. Һәр очрашуда Татарстан Республикасы  Икътисад министрлыгыннан, Татарстан Республикасы Эшмәкәрләргә ярдәм фондыннан вәкилләр катнаша. 29 апрель – чираттагы эшлекле сөйләшүдә Татарстан Республикасы Эшмәкәрләр фондының Координацияләү һәм эшмәкәрләр белән эшләүче вәкиллекләргә ярдәм итү бүлеге җитәкчесе Азат Фәнис улы Гарапшин катнашып, эшмәкәрләргә бирелүче максатчан дәүләт ярдәмнәре белән таныштырды, сорауларга җавап бирде.