Татарстан Росреестры: 1 март көнне бакча участокларында торак йортларны рәсмиләштерүнең гадиләштерелгән тәртибе төгәлләнә
2019 елның 1 мартында бакчачылык алып бару өчен бирелгән җир кишәрлекләрендә торак йортларны рәсмиләштерүнең гадиләштерелгән тәртибе төгәлләнә. Күрсәтелгән датадан соң дәүләт кадастр исәбен алу һәм әлеге күчемсез милек объектларына хокукларны дәүләт теркәвенә алу төзелеш яисә реконструкция тәмамланганнан соң, тиешле гаризалар җибәргәннән соң гамәлгә ашырылачак.
2018 елның 4 августында шәхси торак төзелеше өчен билгеләнгән җирләрдә бакчачылык йортлары һәм торак йортлар өчен «дача амнистиясе» тәмамланды. 2019 елның 1 мартында бакча участокларында урнашкан торак йортлар өчен дә «дача амнистиясе» туктатыла. Шул рәвешле, «дача амнистиясе» гаражларга һәм башка кайбер хуҗалык корылмаларына гына кагылачак.
Игътибар!
«Дача амнистиясе» эшләгән чорда (2006 елның 1 сентябреннән башлап) Татарстан Республикасы буенча Росреестр идарәсе тарафыннан 737 753 хокук теркәлгән. Шуларның 410 585е-җир кишәрлекләренә, 95 582се-гаражлар һәм бакча йортларына, 231 586 сы – торак йортларга һәм төзелеп бетмәгән объектларга.
1 мартка кадәр бакча участогында торак йортны ничек рәсмиләштерергә (гадиләштерелгән тәртип).
1. Кадастр инженерына техник планга заказ бирергә.
2. Җир кишәрлегенә хокук билгеләүче документлар (әгәр җиргә хокук теркәлмәгән булса) өчен Росреестрга (КФҮ аша) 350 сум күләмендә дәүләт пошлинасын түләргә кирәк.
1 марттан соң бакча участогында торак йортны ничек рәсмиләштерергә (хәбәр итү тәртибе).
1.Планлаштырылган төзелеш башлану турында хәбәрнамә, йортның конкрет характеристикаларын күрсәтеп, җирле үзидарә органына (шул исәптән КФҮ аша) тапшырыла. Шул ук вакытта белдерүгә кирәкле документлар(җиргә хокук бирүче документ, вәкил вәкаләтләрен раслаучы документ, тарихи җирлек һәм чикләрендә төзеләчәк күчемсез милек объектының тышкы кыяфәте тасвирламасы) беркетелергә тиеш. 7 эш көне карала.
2. Тулы вәкаләтле органнан ярашлылык турында хәбәрнамә алгач, төзелешне башларга мөмкин, 10 ел срокка бирелә.
3. Төзелеш тәмамланганнан соң янә хәбәрнамә бирергә кирәк, әмма инде аны тәмамлау турында, аңа документлар, шул исәптән йортның техник планы теркәлә. 7 эш көне карала.
4. Әгәр төзелгән йорт барлык таләпләргә туры килә икән, вәкаләтле орган гражданга тиешле белдерү кәгазе җибәрәчәк һәм мөрәҗәгать итүче исеменнән мөстәкыйль рәвештә Татарстан Росреестрына дәүләт кадастр исәбе һәм әлеге күчемсез милек объектына хокукны турында дәүләт теркәвенә гариза тапшырачак, төзүче тарафыннан тапшырылган техник план, шулай ук йортның милек хокукындагы өлешне билгеләү турында килешү теркәлә( берничә зат булса). Шулай итеп, гражданнарга Татарстан Росреестрына мөрәҗәгать итәргә кирәкми.
Татарстан Республикасы буенча Росреестр идарәсенең физик затларның күчемсез милеген дәүләт теркәве бүлеге башлыгы Энҗе Мөхәммәтгалиева:
-Граждан документларны айның соңгы көнендә-28 февральдә тапшырган очракта да, ул бакча участогында торак йортка хокукларны рәсмиләштерүнең гадиләштерелгән тәртибеннән файдаланырга өлгерә! Шуңа да әлеге хокуктан файдаланырга һәм безгә ашыгырга киңәш итәм. Шул ук вакытта сүзнең нәкъ менә торак йортлар, ягъни даими яшәү өчен билгеләнгән бакчалар турында баруына игътибар итәсем килә. Сезонлы яшәү өчен билгеләнгән бакча йортларына килгәндә, алар яңа кагыйдәләр буенча узган елның августыннан бирле рәсмиләштерелә.
Шулай ук Энҗе Мөхәммәтгалиева билгеләп үткәнчә, гражданнар билгеле бер шартларда бакча йортын торак йортка күчерә алалар.
Бакча йортын торак дип тану өчен кирәк:
- хокук оештыру документларын әзерләү,
- йортны тикшерү турында бәяләмә бирергә,
- әгәр йортка өченче затлар хокуклы икән, бу затларның нотариаль ризалыгын алу,
- җыелган документлар пакетын җирле үзидарә органына (күчемсез милек урнашкан урын буенча башкарма комитет) бирергә.
Карау срогы-45 көн.