Актаныш гимназиясендә "Без яшь, без сәләтле ..." республика интеллектуаль олимпиадасы проект сессиясендә катнашып җиңүчеләр бүләкләнде

2019 елның 17 феврале, якшәмбе

Актаныш гимназиясендә "Без яшь, без сәләтле ..." республика интеллектуаль олимпиадасы проект сессиясендә катнашып җиңүче IV-VI сыйныф укучылары бүләкләнде.

Укучылар Актаныш гимназиясе, анда укыган укучыларның уңышлары белән дә таныштылар.

-Проектта җиңү дүртенче сыйныф укучыларына гимназиягә бишенче сыйныфка укырга керү хокукы да бирә, - диде Актаныш гимназиясе директоры Рузилә Илдар кызы Гарипова.

Җиңүче балалар белән Актаныш район башлыгы Энгель Нәвап улы Фәттахов очрашты, җиңүчеләрне тәбрикләде.