Актанышта “Әкияти ярминкә” узды

2018 елның 30 декабре, якшәмбе

Бәйрәм ярминкәсе быел 30 декабрьдә аеруча да истә калырлык узды. Авыл җирлекләре, мәдәният хезмәткәрләре белән, мәгариф оешмалары, оешма-предприятиеләр үз сәүдә нокталарында әкият геройлары булып киенеп, театраль тамаша, мәзәкләр аша үзләре әзерләгән яңа ел товарларын саттылар. Яңа ел төсмере белән бизәлгән,  бәйләнгән һәм тегелгән киемнәр, аш-су ризыклары, авылларның бренд эшләнмәләре – һәммәсе әкияти рухта иде. Һәр сату ноктасына әкияти исем бирелгән. Шунда ук кайнар чәй эчеп, яңа пешкән коймактан да авыз итәргә мөмкин. Яңа ел табынына җаның ни тели – барысын да сайлап ал!

Кыш бабайлар һәм Кар кызлары парады, бизәлгән тройка атлар – һәммәсе дә ярминкәгә килүче актанышлылар, кайткан кунаклар күңеленә хуш килде.