Актанышның үзәк чыршысы янына кичке ялга рәхим итегез!

2018 елның 27 декабре, пәнҗешәмбе

25 декабрьдә Актанышның үзәк чыршысы ачылу тантанасы булганнан соң, кичке якта биредә һәр көнне күңелле бәйрәм ыгы-зыгысы. Балалар дуслары, апа-абыйлары, әти-әниләре һәм дәү әни-дәү әтиләре белән бергәләп кичке ялны чыршы янында үткәрәләр. Биредә рәхәтләнеп боз тауларында шуарга, дәртле, бәйрәм музыкасына кушылып, биергә-җырларга һәм әкият геройлары, Кыш бабай һәм Кар кызы белән аралашырга, истәлеккә фотога төшәргә мөмкин.

Үзәк чыршы янында Яңа елны каршы алу, 1 гыйнварда бәйрәм концерты белән дәвам итү, Раштуа, Иске Яңа елны каршы алу чаралары үтәчәк.

Бергәләп күңелле ял итәргә рәхим итегез!