Пенсия фонды ялган мәгълүмат тарату турында кисәтә

2018 елның 2 ноябре, җомга

Әгәр дә эшләүче пенсионер агымдагы ел ахырына кадәр эштән китмәсә, ул узган индексацияләрне исәпкә алып пенсия алмый икән дигән ялган мәгълүмат тарату очраклары теркәлгән. Татарстан Республикасы буенча Пенсия фонды бүлеге уяу булырга һәм алдакчыларның хәйләсенә эләкмәскә чакыра!

Исегезгә төшерәбез, 2016 һәм 2017 елларда хезмәт эшчәнлеген туктаткан пенсионерларга пенсия индексациясен яңарту һәм аны тулы күләмдә түли башлау эштән азат ителгән көннән өч айдан соң башкарылган. 2018 елда да бу процедура өч ай дәвамында башкарыла һәм компенсация ясала.

Шикле очракларда  Татарстан Республикасы буенча Пенсия фонды бүлеге гражданнарга  «Кайнар элемтә» линиясенә (843) 27-9-27-27 телефонына чылтыратырга  киңәш итә.

Актаныш муниципаль районының мәгълүмат үзәге
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
Матбугат хезмәте
Гражданнар мөрәҗәгате
Телефон: (85552) 3-44-14, 3-44-44
E-Mail: Mail.Aktanish@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International