“Тамыр” хуҗалыгында көзге бодайның “Казанская-560”, “Султан” сортларын игәчәкләр

2018 елның 11 августы, шимбә

“Тамыр” хуҗалыгында бүгенгә урып-җыюның өчтән бере тәмамланган инде. Көзге бодай – 285, арыш – 460, борчак 110 гектарда суктырылган.

Көзге культураларны урып-җыюны тәмамлап, тамырлылар арпа суктырырга керештеләр.  200 гектарлы арпа басуында 7 комбайн эшли. Баш агроном Нияз Әхмәтҗанов һәр комбайнның урак барышында бөртеклеләрне югалтусыз суктыруын күзәтчелектә тота. Һәр комбайнчының эшләү сыйфатын, һәр басудан чыккан уңыш күләмен анализлап бара ул.

Быел көз бодайны – 450, арышны 750 гектарда чәчүне планлаштыралар. Бодайның “Казанская- 560”, “Султан” сортларын, арышның “Бүләк” сортын чәчәчәкләр “Тамыр”да.