21 июльдә Иске Әлем авылында Сабан туен хәтерләткән зур бәйрәм – Авыл көне
Биредә һәр теләгән көрәшчегә бил алышу, уеннарда катнашу рөхсәт ителәчәк!
Чараны оештыручыларның үз авыл бәйрәмнәрендә республиканың танылган көрәшчеләрен күрергә теләве гаҗәп түгел. Чөнки Иске Әлем – бертуган Әнвәровларның туган авылы. Ә Авыл көнен оештыручылар арасында заманында үзе дә мәйдан тоткан Айнур Әнвәров та бар.
Бәйрәм программасында татарча көрәш, ат чабышы һәм башка кызыклы уеннар көтелә. Концертның махсус кунагы – “Дөбер-шатыр” Әсхәт.
Көрәш яшьләр һәм зурлар арасында оештырылачак. Үсмерләр арасында берничә авырлыкта көч сынашырга мөмкин булса, зурлар арасында үлчәнеп тору булмый – батырлар бер авырлыкта гына бил алышыр дип көтелә. Нәкъ менә авыл Сабан туе традицияләре буенча. Җиңүчеләргә акчалата бүләкләр каралган, ә баш батырга, әлбәттә – тәкә! Шунысы куанычлы: оештыручылар авыл батырларына да, кунакка кайтып бил алышучыларга да берәр тәкә бирергә уйлый.
Бәйрәм 14.00 сәгатьтә башлана.