14 апрель көнне Әтәс авылы җирлегендә Авыл бәйрәме үткәрелде. Бәйрәмгә авылның күренекле шәхесләре, җирлеккә кергән алты авыл халкы да чакырылган иде. Бәйрәм аларның чыгышлары, җыр - моңнар, уеннар белән үрелеп барды. Фойеда китап, фото, аш-су, кул эшләре күргәзмәләре оештырылды. "Китапханә - "Актаныш таңнары"нда, "Җирлек сулышы" дигән исемдә альбом белән дә танышу мөмкин иде. Кунаклар, авылдашлар кайнар коймак, чәй сыйланды. Соңыннан зур концерт куелды. Бәйрәмне Әтәс авылы китапханәчесе Мәүҗидә Гарипова алып барды.