23 февраль - Ватанны саклаучылар көне белән!
Хөрмәтле райондашлар! Сезнең барыгызны да бүгенге бәйрәм - Ваттанны саклаучылар көне белән чын күңелдән белән тәбрик итәм. 23 февраль диюгә, күз алдына гаярь ир-егетләр килеп баса. Ләкин Ватанны саклаучылар көне – аларныкы гына түгел, бөтен халык бәйрәме. Аның тарихы зур, 1918 елда Кызыл Армия оешкан көннән башлап, бүгенгәчә хәрбиләребезнең башкарган мактауга лаек эш-гамәлләре күп. Илебез гражданнар сугышын, Бөек Ватан сугышын, Әфган һәм чечен сугышларын кичерде. Әлеге яуларда безнең районыбыздан катнашучы, анда мәңгегә ятып калучы ул-кызларыбыз күп булды. Бүген без исәннәрнең хәлләре, тормышлары белән даими кызыксынып яшибез. Минем иң зур теләгем -мондый сугышлар бүтән кабатланмасын! Илебездә матур, бәрәкәтле тормышта, барыбызга да имин булып яшәргә язсын! Ә инде егетләребез илебез алдындагы бурычларын үтәп - хәрби хезмәттә булып, ил чигендә тынычлык саклаучы булганлыклары белән горурланып яшәсеннәр иде.
Илебез, районыбыз күге һәрвакыт аяз булсын!
Ф.М.КАМАЕВ, муниципаль район башлыгы вазифаларын башкаручы