И туган тел, и матур тел!

Бүген татар халкының бөек шагыйре Г.Тукайның туган көне уңаеннан “Яшьлек” милли-мәдәни үзәге каршында Туган тел бәйрәме үткәрелде.  Әлеге чарада районыбыз мәктәпләре укучылары, балалар бакчалары кыз-малайлары, район күләмендә “Иле барның теле бар” шигырь бәйгесендә җиңү яулаган укучылар Тукайның шигырьләрен сөйләде, аның сүзләренә язылган җырлар башкарылды, әсәрләре сәхнәләштерелде.
                                           
                                           
                                           
                                           
                                           

Район үзәк китапханәсе хезмәткәрләре чыгыш ясаучы балаларга истәлек бүләкләре - китаплар, альбом, төсле каләмнәр, фломастерлар тапшырдылар.

Шулай ук, бәйрәмдә “Агыйдел дулкыннары” иҗат берләшмәсе әгъзалары да чыгыш ясады.

                                          

Актаныш мәгълүмат-мөхәррият үзәге җитәкчесе Н.Нурлыев бәйрәмдә якташыбыз Х.Миңнегалиев истәлегенә булдырылган мөхәррият бүләген “Актаныш таңнары” газетасының актив хәбәрчесе Качкын авылыннан Зәлифә Әхмәтгалиевага һәм “Агыйдел дулкыннары” иҗади берләшмәсе әгъзасы Альбина Авзаловага тапшырды.