ЯҢАЛЫКЛАР


21
март 2019 ел.
пәнҗешәмбе

20 март көнне, мобилизация күнекмәләрен үткәрү планы нигезендә, ТР Гадәттән тыш хәлләр министрлыгының Гражданнар оборонасы өлкәсендә вәкаләтләрне тормышка ашыру бүлегенең әйдәүче консультанты (Актаныш муниципаль районы буенча) катнашында Актаныш муниципаль районының эвакуация кабул итү комиссиясе утырышы әзерләнде һәм үткәрелде. Утырышта комиссия составындагы үзгәрешләр аныкланды.

Комиссиянең вазыйфаи затларының функциональ бурычлары буенча кыскача инструктаж үткәрелде. Эвакуация кабул итү комиссиясе төркемнәрендә вазыйфаи затларның эш тәртибе ачыкланды.

-Актаныш районы хатын-кызлар советы эшчәнлегендә дөрес итеп гаилә кору, гаиләдә бәхетле яшәү, әхлаклы бала тәрбияләү мәсьәләләре һәрвакыт игътибар үзәгендә тора. Киңәшләшәбез, фикерләшәбез, яңа идеяларны тормышка ашыруда бергәләп эшлибез. Россия һәм Татарстан мөслимәләре берлеге рәисе Наилә Җиһаншинаны Актанышка чакырып, аның белән дә киңәшләшеп, үзебезнең тәкъдимнәрне дә җиткереп, балаларны гаиләдән, бакча-мәктәптән үк мөстәкыйль тормышта үз урынын таба белергә, ныклы гаилә корырга,  һөнәр сайларга өйрәтүдә бердәм проект булдырасыбыз килү идеясы да шулай туды, - дип, үзенең фикерләре белән уртаклашты район башкарма комитетының социаль мәсьәләләр буенча урынбасары-район хатын-кызлар советы рәисе Ләйсән Фоат кызы Нурлыева.

20 март көнне Россия һәм Татарстан мөслимәләре берлеге рәисе Наилә Җиһаншина, иң элек, район имам-мөхтәсибе Руслан Мортазин, район мөслимәләр берлеге рәисе Зөһрә Закирова белән Яңа Әлем мәктәбендә 8-9 сыйныфларда ветеран укытучы  Тәхия Усманованың ачык әхлак дәресен карады.

Актаныш район мөслимәләр берлегенең съездында катнашып, үз чыгышында Наилә Җиһаншина  мондый чараның республикада беренче тапкыр оештырылуын билгеләп үтте. Актаныш район мөслимәләр берлегенең, район хатын-кызлар советының, ЗАГС бүлеге каршында эшләүче Гаилә мәктәбенең, үзәк китапханәнең гаиләләр, бакча-мәктәпләр белән алып барылган эшчәнлекләрен Россия һәм Татарстан мөслимәләре берлеге эшчәнлегендә матур үрнәк дип бәяләде.


20
март 2019 ел.
чәршәмбе

Бүген – 20 март көнне республикада тәүге тапкыр Актанышта район мөслимәләр берлегенең беренче корылтае узды. Аның эшчәнлегендә Россия һәм Татарстан мөслимәләре берлеге рәисе Наилә Җиһаншина катнашып, фикерләре белән уртаклашты.

Актаныш район имам мөхтәсибе Руслан хәзрәт Мортазин Актаныш районы мөслимәләре берлеге корылтаен Коръән аяте белән ачты.

Актанышта узган 2018 нче ел да тарихи әһәмияткә ия дини-дөньяви вакыйгалары белән  истәлекле булды. Беренче тапкыр мөселман балаларының дини сабантуе узды. Татарстан Диния нәзарәте җитәкчесе - Мөфти Камил хәзрәт Сәмигуллин әлеге сабантуйда катнашып, актанышлылар белән мәйдан уртасында өйлә намазын укыды.

Актанышта рамазан ае вакытында беренче тапкыр узган ел үзәк стадионда Актаныш район башлыгы Энгель Фәттахов 300 кешегә ифтар мәҗлесе үткәрде. Шул рәвешле, Актанышта 300 кеше ахшам намазын җәмәгать белән укыды.

Актанышта бүген янәдән  Татарстанда да беренче булган район мөслимәләр берлегенең корылтае узды. Актаныш район башлыгы Энгель Нәвап улының һәр өлкәдә алдан күрүчәнлеге бу юлы шул рәвешле чагылыш тапты. Киләчәгебезне кайгыртып, балаларга дөрес тәрбия-белем бирүдә, әхлакка өйрәтүдә, гореф-гадәтләрне саклауда мөслимәләребез һәм укытучыларыбыз бергәләп уртак максатлар куйдылар. Гаиләнең һәм җәмгыятьнең тоткасы булган хатын-кызларыбызга әлеге изге ниятләре өчен Актаныш район башлыгы Энгель Нәвап улы рәхмәтен һәм хөрмәтен белдерде https://www.instagram.com/leisantimerova/p/BvO9CtogmRK/?utm_source=ig_share_sheet&igshid=ca3mk3k0m46a .

Актаныш район мөслимәләр берлеге корылтаенда кыз балаларыбыз да Коръән аятьләре укыды. Сөбханалла, дип тыңлады һәркем.

Башкортстанның Илеш районыннан килгән мөслимә кардәшләребез дә Актаныш районындагы мөслимәләр берлеге эшчәнлеге турында уңай фикерләр белдерделәр – корылтайда чыгыш ясап, актанышлылардан үрнәк алып эшләүләре хакында сөйләделәр.

 Казан буенча:

Аязучан болытлы һава.

Төнлә һәм иртән юеш кар, көндез урыны белән бераз яңгыр рәвешендәге явым-төшемнәр.

Төнлә һәм иртән аерым районнарда томан.

Җил көньяк-көнбатыштан секундына 4-9 метр тизлектә.

Һаваның минималь температурасы төнлә 0..-2 º, максималь температура

көндез +2..+4 º .

Юлларда урыны белән бозлавык.

Татарстан Республикасы буенча:

Аязучан болытлы һава.

Төнлә һәм иртән юеш кар, көндез урыны белән яңгыр рәвешендәге явым-төшемнәр.

Аерым районнарда томан.

Җил көньяк-көнбатыштан секундына 4-9 метр тизлектә.

Һаваның минималь температурасы төнлә 0..-5 º, максималь температура

 көндез +1..+6 º.

Юлларда урыны белән бозлавык.

19 мартта Дәүләт Думасында “Моношәһәрләрдә милли проектларны закон белән тәэмин итү һәм гамәлгә ашыру” темасы буенча парламент тыңлаулары узды.

Казан районара табигатьне саклау прокуратурасы җитештерү һәм куллану калдыклары турындагы законнарның үтәлешен тикшерде.

Республикада региональ оператор тарафыннан күп фатирлы йортларда яшәүчеләрдән каты көнкүреш калдыкларын җыюга тариф бер кешегә аена 71, 95 сумга кадәр киметелде, ягъни чиктән түбән билгеләнде.

Шуңа карамастан, 2019 елның гыйнварында идарәче компания тарафыннан Казан шәһәрендәге бер йортта яшәүчеләргә каты көнкүреш калдыкларын җыюга коммуналь хезмәтләр өчен түләү билгеләнгән тарифтан 20 % ка артыграк исәпләнгән.

Закон бозу очракларын бетерү максатыннан, оешма җитәкчесе адресына күрсәтмә бирелде.

Прокурор тарафыннан күрелгән чаралар нәтиҗәсендә 252 гражданга нигезсез арттырып исәпләнгән  коммуналь хезмәт суммасы кире кайтарылды.


19
март 2019 ел.
сишәмбе

Татарстан Республикасының Архив эше буенча дәүләт комитеты «Минем шәҗәрәм» генеалогик тикшеренүләр конкурсы уздыра.

Конкурс 2019 елның 20 мартыннан 30 апреленә кадәр үткәрелә.

Конкурсның төп максаты-гаилә шәҗәрәсе традицияләрен яңарту, гаилә кыйммәтләрен булдыруда, саклауда ярдәм итү.

Конкурсның бурычлары:

- шәҗәрә традицияләрен саклау һәм үстерү;

- балаларны һәм яшьләрне патриотик тәрбияләүгә гаилә тарихының ил тарихына катнашы барлыгын өйрәнү нигезендә ярдәм итү;

- гаилә традицияләрен һәм буыннар арасындагы элемтәләрне ныгытуга ярдәм итү;

- тарихи-нәсел шәҗәрәсе тикшеренүләре традицияләрен саклау һәм үстерү;

- архив материаллары белән эшләүгә, тарихи һәм туган якны өйрәнү әдәбиятын укуга җәлеп итү.

Россия Федерациясе  Авыл  хуҗалыгы  министрлыгы  ярдәмендә  Эксперт эшче  төркем тарафыннан  2025  елга  кадәр  Россия  Федерациясендә Ат үрчетү  стратегиясе проекты эшләнде.    Проект үзебезнең  атчылыкны  үстерү мәсьәләләрен системалы  хәл итүне,  аның ресурслар  һәм  финанс  белән  белән  тәэмин  ителешен  күздә  тота.

Россия  атчылыгы  алдында  аны тотрыклы үстерү, үзебезнең илдә  үрчетелә  торган  атлар  токымнарының  генофондын  саклап калу  һәм  камилләштерү,  эчке һәм тышкы  базарларда  аларның  конкуренциягә  сәләтен  арттыру  буенча  стратегик  максат  тора.    Бу  бурычны  хәл  итү  өчен  ат заводларының  һәм ипподромнарның  җитештерү  инфраструктурасын  үстерү, атчылыкны финанс  ягыннан  тәэмин  итү,  шулай  ук  югары  сыйфатлы  үзебезнең  токымлы  атларны  булдыру  исәбенә  авыл  хуҗалыгы  продукциясен  җитештерүнең  тотрыклы  үсешен  булдыру  өчен  эшләр  башкарылачак. 

Стратегиянең  төп   максатларыннан   берсе   илдәге  атлар  санын    2018 елдагы  1,4 миллионнан  2025 елга    1,6 миллионга  җиткерү.  

Стратегия  проектында  нәселле  һәм продуктив  атчылыкны, ипподром инфраструктурасын һәм илкүләм атлар тотализаторын үстерүгә, тармакны фәнни һәм кадрлар белән тәэмин итүгә ярдәм чараларын башкару күздә тотыла. Билгеләнгән чараларны финанслау федераль һәм төбәк бюджетлары, хосусый инвесторлар һәм кредит  оешмалары акчалары исәбенә тәэмин ителәчәк.

Дәүләт ярдәме селекция чараларын уздыруга бәйле тотылган чыгымнар өлешен каплауга   субсидияләр бирү рәвешендә гамәлгә ашырылачак. Моннан тыш, атчылык объектларын һәм ипподромнарны модернизацияләү максатларында дәүләт-хосусый партнерлык проектларына ярдәм итү механизмын куллану планлаштырыла.

Бүгенге көндә Россия Федерациясе  Авыл  хуҗалыгы  министрлыгы һәм  профессиональ атчылар  берлеге, атчылык буенча иҗтимагый оешмалар вәкилләре белән бергә  проект буенча фикер алышуны дәвам итәләр, аның соңгы варианты 2019 елның 1 июленә кадәр раслауга кертеләчәк. Стратегия проекты буенча тәкъдимнәр һәм искәрмәләр Атчылыкны үстерү ассоциациясе тарафыннан  www.ark-rf.ru сайтында кабул ителә.

 

В феврале текущего года Управлением Росреестра по Республике Татарстан зарегистрировано 5580 договоров купли-продажи на жилые помещения (из них 1954 - в Казани), нежилые – 713 (из них 378 – в Казани) и 2696 на земельные участки (из них 706 -  в Казани). Всего за два месяца 2019 года Росреестром Татарстана зарегистрировано 16 839 договоров купли-продажи, в том числе 5 661 в Казани.

Общее количество зарегистрированных в феврале 2019 года ипотек по кредитным сделкам составило 6125 (в Казани – 2 406). Это на 18,4 процентов больше, чем в январе текущего года. При этом количество сделок на жилые помещения составило 4 560 (в Казани – 1834), на нежилые помещения – 313 (в Казани – 47) и на земельные участки 1252 (в Казани – 525).   Всего за два месяца 2019 года Росреестром Татарстана зарегистрировано ипотек по кредитным сделкам 11 297, из них в Казани – 4 285. В 2018 году данные показатели составляли 11 909 и 4942.

15-17 мартта  Казанда  Татарстан  Республикасының  Аграр яшьләр  берләшмәсе Татарстан  Республикасы Авыл хуҗалыгы  һәм азык-төлек  министрлыгы, Татарстан  Республикасы Яшьләр эшләре  министрлыгы   белән берлектә      «2014-2020 елларга  Татарстан  Республикасы авыл  яшьләре» ярдәмче  программасын  гамәлгә ашыру кысаларында    Яшь эшкуар (яңа  эш башлаучы  фермер) мәктәбендә     укулар  уздырды. 

 

Чараның  төп максаты  -  үз бизнесын  башларга  теләүчеләрне  крестьян - фермер хуҗалыгы  өлкәсендә эшкуарлык  эшчәнлеге  нигезләренә өйрәтү, аларда  үз эшләрен  уңышлы  башлап  җибәрү  өчен  кирәкле  белем һәм күнекмәләр  булдыру,  авыл  яшьләре  арасында  эшкуарлыкны планлаштыру күнекмәләренә  өйрәтү һәм эшкуарлыкны  популярлаштыру.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования