Әлфия Когогина: “Хөкүмәтнең һәм һәр министрлыкның еллык хисабы аерым алганда-бу парламент контроленең нәтиҗәле чаралары”
2016 елда Дәүләт Думасы ел саен мәгариф өлкәсе торышы турында хисап тыңларга карар кабул итте һәм «Хөкүмәт сәгате» барышында мәгариф министры Ольга Васильева «Белем бирү сыйфатын күтәрү, шулай ук гомуми белем бирү учреждениеләрендә укучыларга һөнәри юнәлеш бирү ярдәме күрсәтү чаралары турында» доклад белән чыгыш ясады. Башкарылган эшләргә анализ белән Дәүләт Думасы фракцияләре, Дәүләт Думасының профильле комитеты һәм Хисап палатасы (Дәүләт Думасының парламент контролен гамәлгә ашыручы органы) вәкилләре чыгыш ясады.
Мәгарифнең актуаль мәсьәләләре буенча фикер алышулар булды, шул исәптән, Россия Президенты тарафыннан «Мәгариф»илкүләм проекты нигезенә куелган бурычларны хәл итү буенча чаралар тикшерелде. Беренчесе - глобаль конкуренциягә сәләтлелекне тәэмин итү һәм россия гомуми (мәктәп) белем бирүнең иң яхшы дөньякүләм системалар унлыгына керүе. Икенче бурыч - традицияләребез һәм, барыннан да элек, мәдәни мирас нигезендә гармонияле үсеш алган шәхес тәрбияләү, ягъни “Мәгариф” илкүләм проектының глобаль максаты буларак тәрбияләү.
Дәүләт Думасы депутаты, икътисад сәясәте, сәнәгать, инновацион үсеш һәм эшкуарлык комитеты рәисе урынбасары Әлфия Когогина болай дип шәрехләде: «Без коллегалар белән соңгы елларда гамәлгә ашырылган уңай үзгәрешләрне билгеләп үтәбез. Бу заманча шартларга туры килә торган яңа мәктәпләр һәм балалар бакчалары төзү, белем бирү процессына санлы технологияләрне актив кертү. "Кванториум» балалар технопарклары системасы техник юнәлешләрне үстерү буенча күп кенә мәсьәләләрне хәл итә. Шул ук вакытта безне гомуми белем бирүнең сыйфаты борчый. Төп сорау: үзенең сәләтен бала ни дәрәҗәдә үстерә ала? Сәләтле балалар белән эшләү үзәкләре төзелә, шулай булса да, аттестациягә керә алмаган балалар саны кимеми. Хөкүмәттән әлеге сорауга чишелеш табуны һәм авыл җирлекләрендә укытучылар җитмәү мәсьәләсен хәл итүне сорыйбыз”.
«Хөкүмәт сәгате» нәтиҗәләре буенча Дәүләт Думасы карар чыгарачак. Хезмәттәшләрем куйган барлык сораулар күзәтчелеккә алыначак. Гомумән, хөкүмәтнең һәм һәр министрлыкның еллык хисабы - парламент контроленең нәтиҗәле чаралары", - дип тәмамлады сүзен Әлфия Когогина.